सिन्धी - प्रकरण १ | Sindhi prakaran 1
श्री किताब सिंधी की जो सिंधी भाखा मिने आखिर फजर को हजूर ने अर्ज़ करी है सो सवाल जवाब लिखे हैं सो अर्स रूहें हालसों सुनियों ज्यों हाल तुमको भी आवे ।
आखिर वेरा उथणजी, आंई रूहें छडे जा रांद । उथी विच अर्स जे, कोड करे मिडूं कांध ॥१॥
धणी मूंहजी रूहजा, हांणे चुआं कींय करे । रूह के डिंन्यो पर-डेहडो, चओ सो दिल धरे ॥२॥
इस्क डिंने तूं, तो रे इस्क न अचे । घणुएं करियां आंऊं, कूड न उडे रे सचे ॥३॥
कीं करियां केडा वंजां, चुआं कींय करे । न पेराइयां पडूत्तर, न अची सगां गरे ॥४॥
सजण मूंहजी रूहजा, तांजे डिए रूह सांजाए । त हिकै आहि अरवाह के, पेरे तरे पुजाए ॥५॥
धणी मूंहजी रूहजा, गिंनी वेई विसराई । पेईस ते पेचन में, वडी जार वडाई ॥६॥
मूं मंगी आं डेखारई, करियां गाल केई । हाणे चोराइए ते चुआं थी, गाल गरी थी पेई ॥७॥
तरसाइए त तरसण मोंहके, मूं मंझां कीं न सरयो । सभ गाल्यूं आंजे हथमें, जाणो तींय करयो ॥८॥
सिकाइए त सिकां, मूं में सिकण न कीं । रोहोंदिस तेही हाल में, अंई रखंदां जीं ॥९॥
हिक सिकां तोहिजे सुखके, जे से संभरे सुख । से सुख हिन विसारियाँ, हे जे डिठम डुख ॥१०॥
हिन सुखे संदियूं गालियूं, आईन अलेखे । हियडो मूं सुंजो थियो, हिए न अचे ते ॥११॥
जे सुख तोहिजी अंखिएं, डिंना असांके तो । से सुख कंने मूं सुयां, सुंजो हियो न झल्ले सो ॥१२॥
जे सुख तोहिजे अर्स में, डिंना तो गालिन । से सभ वीयम विसरी, सुंजे हियडे न चढिन ॥१३॥
के पडूत्तर मूं केयां, के तो केयां कांध । से सुंजे हिये न संभरे, विसरया मय रांद ॥१४॥
हिये चढाइए तूं, त सभ सुख हियो झल्ले । जे सुख डिए मेहेर करे, त बेयो केर पल्ले ॥१५॥
तो तरसाएं तरसण, तोके पसण नैण । कोड थिए कनन के, तोहिजा सुणन मिठडा वैण ॥१६॥
तो तरसाएं तरसण, हियडो मिडन के । ए डिंनो अचे मासूक जो, इस्क अर्स में जे ॥१७॥
विहारे वट ओडडी, मथें डिंनो परडेह । डिसां न सुणियां गालडी, कीं करियां चुआं के केह ॥१८॥
जे अरवाहें अर्स ज्यूं, से सभ मूं अडां न्हारीन । आंऊं पसां आं अडूं, हे बिठ्यूं जर हारीन ॥१९॥
तो लिख्यो फुरमान में, मूं अर्स दिल मोमिन । से सुणी वेंण फुरमान जा, मूंजो झल्यो दिल रूहन ॥२०॥
त केहो पडूत्तर मूंहके, चुआं कुरो रूहन । रूहें उमेदूं मूं में, आंके सभ रोसन ॥२१॥
हाणे केहडो हाल मूंहजो, रूहें केहडो हाल । न डेखारे न डिठम, बेओ तो रे नूरजमाल ॥२२॥
तो डिंनी सोहेली करे, न तां वाट घणूं विखम । हेआं हल्लो सभ सुखन में, रूहें घुरें एह खसम ॥२३॥
तो पाण डेखारे डिठम, बेओ कोए न रखे हंद । सेहेरग से डेखारे ओडडो, कित करणो पेओ न पंध ॥२४॥
तो चुआंयो चुआं थी, मुंजी या उमत । असीं इंदासी कोठियां, कोठीने जे भत ॥२५॥
रूहें असीं निद्रमें, न तां घणां लाड घुरन । अंई जाणोथा सभ कीं, जे हाल आए रूहन ॥२६॥
चायो आंजों चुआंथी, मूं हंद न्हाए कुछण । संग वीयम विसरी, छडिम ते घुरण ॥२७॥
घुरण अचे दिल में, पण द्रजां तोहिजे द्राए । लाड करे त घुरां, जे पसां संग सांजाए ॥२८॥
रूहें चोंण सभे मूंहके, हाणे आंउं चुआं के केह । न पसां न सुणियां संडेहडो, डिंने पेरे हेठ परडेह ॥२९॥
सचो सोणे जीं थेयो, भाइयां सोणो थेयो सचो । लाड कोड के से करियां, अंखिएं जां न अचो ॥३०॥
कीं करियां गालडी, जां न पसां पांहिजे नैण । जे सुणाइए त सुणां, मिठडा तोहिजा वैण ॥३१॥
सुख तोहिजा सिपरी, अचे न लेखे में । पार न अचे अपारजो, कडी न गणियां के ॥३२॥
गुझांदर रूहन जो, सभे तूं जांणे । कुरो चुआं विच वडी थेई, मूं पांहिजेडी न पांणे ॥३३॥
जा कांध न करे पांहिंजो, उभी बियनके चोए । डे सोहाग बियनके, पांण अंगण ऊभी रोए ॥३४॥
बेओ जमारो वडाई में, बेठी खोए उमर । डे वडाइयूं बियनके, पाण न खुल्यो दर ॥३५॥
थेई धणी सें सुरखरू, सोई सोहागिण होए । सा मर गिंने पाणसे, जे आडो पट न कोए ॥३६॥
आंऊं पांहिजी परमें, कीं कीं पांणके भाइयां । वडी थीयन विचमें, छेडो छडाइयां ॥३७॥
गाल्यूं मूंजे दिलज्यूं, सभ तूंहीं सुजाणे । हे सभेई तोहिज्यूं, तो करायूं पांणे ॥३८॥
मथे आंऊं त गिंना, जे कीं मूंमें होए । आंऊं गुझ जाणा पाण विच जो, बेओ न जाणे कोए ॥३९॥
मूंके वडी वधारिए, डिंने सभनी में सोहाग । कीं डिठम कीं डिंसदिस, जेडो कंने भाग ॥४०॥
त केहो जवाब रूहनके, विच करियां कीं आंऊं । न कीं सुणाइए गुझ में, न पांइदडे धांऊं ॥४१॥
तो मूंके ई बुझाइयो, जे तूं हेकली थिए । त तोसे करियां गालडी, दीदार पण डिए ॥४२॥
आंऊं हेकली कीं थियां, बी लगाई तो । तो रे आए को कित्तई, जे हिनके पल्ले सो ॥४३॥
से बस न्हाए मूंहजे, जे कीं करिए से तूं । जे कीं जाणो से करयो, मूं में रही न मूं ॥४४॥
थी न सगां हेकली, बी तो लगाई । छूटे न तोहिजी तोह रे, मूंजी फिरे न फिराई ॥४५॥
गोता खेंदे वेई उमर, पट सूके रे पाणी । जे तो डिंनी हेत करे, सा टरे न सत्राणी ॥४६॥
हे जा पेयम फांई जोर जी, से जा लाहिया जोर करे । झल्ले पेर पिरनजा, पण मूंजी टारी कीं न टरे ॥४७॥
धणी मूंहजी रूहजा, मूं से हित गालाए । पिरी पसण जीं थिए, से तूंही डिए उपाए ॥४८॥
हे डात्यूं सभ तोहिज्यूं, इस्क जोस अकल । मूरा बुझाइए मूंहके, आखिर लग असल ॥४९॥
आंऊं अव्वल न आखिर, सभनी हंदे तूं । ए मुराई भली भत्तें, ए तो डेखारई मूं ॥५०॥
अर्ज पांहिजी रूहनजी, सभ तूं ही कराइए । बाहेर मंझ अंतर, सभ तूं ही आइए ॥५१॥
जीं कढ़े तूं हियां, जी पुजाईने घर । हल्ले न जरे जेतरी, बी केहजी फिकर ॥५२॥
तूं करिए तूं कराइए, तूं पुजाइए पांण । जा मथे गिंने तिर जेतरी, सा जोए वडी अजाण ॥५३॥
सिकण सडण जीरे मरण, से सभ हथ धणी । तो चंगी पेरे डेखारियो, त मूं न्हारयो नैण खणी ॥५४॥
हाणे गाल्यूं मूंजे हालज्यूं, कंदिस आंसे आंऊं । बेओ केर सुणीदो तो रे, जे करियां वडियूं धांऊं ॥५५॥
तो न डेखारयो मूर थी, कोए हंद बेओ । मूंजी रूहके नूरजमाल रे, हंद जरो न कित रह्यो ॥५६॥
महामत चोए मेहेबूबजी, जे उपटिए द्वार । रूहें गिंनी अचां पांणसे, जीं अची करियां करार ॥५७॥
॥ प्रकरण ॥१॥ चौपाई ॥५७॥