सिन्धी - प्रकरण १३ | Sindhi prakaran 13
हक हादी रूहोंजी सिफत
कांध रूह भाइयां सिफत करियां, तेहिजी हित थिए न सिफत किंएं केई । से न्हारयम जडे बेवरो करे, आंऊं उरझी ते में रही ॥१॥
हे दिलजी गाल के से करियां, रूहजी तूं जांणे । कुछण भेणी लाथिए, कांध चओ से चुआं हांणे ॥२॥
उताइयां आलम में, मूं जेडी केई न कांए । अजां तरसे मूं जिंदुओ, हे केही पर तोहिजी आए ॥३॥
पांण जेड्यूं डिंने दातड्यूं, से डिठ्यूं मूं नजर । अजां मंगाइए मूं हथां, मूं कांध एहडो कादर ॥४॥
जे वड्यूं केइए हिन रांदमें, तिंनी ज्यूं केई कोडी सिफतूं कन । से वडा मंगन खाक पेरनजी, असां अर्स रूहन ॥५॥
सिरदार ते रूहन में, मूंके केइए कांध । वडी वडाई डिंनिएं, अची मय हिन रांद ॥६॥
हे जे वड्यूं केइए हिन आलममें, हिनज्यूं सिफतूं तिंनी न पुजन । से वडा वड्यूं सिफतूं करीन, पुजे न खाक मोमिन ॥७॥
ते में वडी मूंके केइए, मूंजी सिफत न थिए मय रांद । जे ए सिफत न पुजे, त सिफत तोहिजी करियां कीं कांध ॥८॥
जा न्हाए अकल हिन आलम में, सा डिंनिएं मूके मत । जे से आंऊं सभ समझी, कायम आलम सिफत ॥९॥
गाल आंजी जाणूं असीं, जे डिंन्यूं असां के इलम । कांध हित न भेंणी कुछण, गाल्यूं घरे थींदयूं खसम ॥१०॥
महामत चोए मूं धणी, मूंके वडी डेखारई रांद । कर मूंसे मिठ्यूं गालियूं, मूंजा मिठडा मियां कांध ॥११॥
॥ प्रकरण ॥१३॥ चौपाई ॥५२४॥