सिन्धी - प्रकरण ५ | Sindhi prakaran 5
श्री देवचंदजी मिलाप विछोहा
सांगाए थिंदम धाम संगजी, तडे घुरंदिस लाड करे । दम न छडियां तोहके, लगी रहां गरे ॥१॥
जासीं संग न सांगाए, त रूह केडी सांजाए । हे गाल्यूं थियन सभ मथियूं, त कीं लाड करे घुरांए ॥२॥
हे सभ सांजायूं तो हथ, लाड सांगाए या संग । कौल फैल या हाल जो, तो हथमें नों अंग ॥३॥
पेरो केयां जा गालडी, सा रूहके पूरी लगी । हिक तो रे को न कितई, हे तोहिजे इलमें सक भगी ॥४॥
तो घर न्यारो दुनी से, थेयम तोसे संग । आसमान जिमी जे विचमें, मूके तो धारा सभ रंज ॥५॥
घणा डींह घारिम कुफरमें, कर कूडे से संग । कंने सुणी संग तोहिजो, लगी न रूह जे अंग ॥६॥
हे दिल आइम तेहेकीक, जे हेकली थियां आंऊं । त खिल्ले कूडे मूंह से, थिए दम न अघाऊं ॥७॥
हे तां पाणे पधरी, जे आंऊं हेकली थियां । तडे कीं न अचे तो दिलमें, जे आंऊं हिन के सुख डियां ॥८॥
थियां हेकली हिन रंजमें, मथे अभ तरे थी भूं । ईं हाल पसां पांहिजो, त कीं छडे हेकली मूं ॥९॥
धणी मूंहजे अर्सजा, चुआं मूं हेकली जो हाल । जीं आंऊं गडजी विछडिस, सा करियां आंसे गाल ॥१०॥
आंऊं हुईस धणी जे कदमों, तडे संग न सांगाए । चेआंऊं घणी भत्तिएं, पण थीयम न सांजाए ॥११॥
तडे धणिएं मूंके चयो, जे ब जण्यूं आईन । खिल्ले थ्यूं न्हारे रांद अडां, तांजे सांगाईन ॥१२॥
रूहअल्लाएं ई चयो, पांण न्हारे कढ्यूं तिन । पांण से न्हारे न कढ्यूं, आंऊं हुइस गाल में इन ॥१३॥
पांण बखत हल्लण जे, याद केयांऊं मूंके । चेयाऊं ई जेडिन के, जे कोठे अचो हिनके ॥१४॥
अची आंऊं पेरे लगी, तडे मूंके चेयाऊं ई । रूह तोहिजी रोए थी, आंऊं पेया अर्समें कीं ॥१५॥
दर माधा अर्स जे, आंऊं रोंदी पसां हित । ते मूं तोके कोठई, आंऊं हल्ली न सगां तित ॥१६॥
मूंके चेयाऊं पधरो, सा सुई गाल सभन । पर केर परूडे इसारतूं, संदयूं हिन दोसन ॥१७॥
करे मेडो चेयांऊं मीठी भत्ते, पण आंऊं निद्र मंझ । पण मूं कीं न परूडयो, सर छडे उड्या हंज ॥१८॥
ईं थीयस आंऊं हेकली, भोंणा डोरींदी बेई । धणिएं जा मूंके चई, तांजे न्हारे कढ़ां सेई ॥१९॥
डोरींदे जे लधिम, अरवा कई हजार । किन जाण्यो घर नूरजो, के नूर घर पार ॥२०॥
हिनी में जे बे चयूं, सुन्दरबाई सिरदार । से पण थेयूं निद्र में, तिंनी सुध न सार ॥२१॥
तिंनी बी में हिकडी, अची गडई मूं । जे हाल आए इन जो, से जाणे थो सभ तूं ॥२२॥
आंऊं बेठिस हिनजे घर में, मूंके रख्याई भली भत्त । केयांई सभे बंदगी, जांणी तोहिजी निसबत ॥२३॥
हिक हिनजे दिल में, द्रढाव वडो डिठम । हांणे माधा हथ तोहिजे, पण हितरो पेरो केयो पिरम ॥२४॥
चेयम हाल हिनजो, जा हिक मूं गडई । मूं बेओ जमारो डोरींदे, हुन बी पण खबर सुई ॥२५॥
हे बए जण्यूं मिडी करे, मूंके थ्यूं न्हारीन । हुन असिधें ई न विचारियो, हो मूं लाए डुख घारीन ॥२६॥
हो हल्लण के उतावरयूं, अर्स उपटे दर । हे कीं रेहेंदयूं रंज में, हुन बिसरी न्हाए खबर ॥२७॥
ते लाएं पिरम आंऊं हेकली, मूं बी न गडजी कांए । जे तोजो दर उपटे, मूज्यू आसडियूं पुजाए ॥२८॥
पिरम हांणे पांण विचमें, तूंहीं आइए तूं । से तूं जांणे सभ कीं, हे तो सुध डिंनी मूं ॥२९॥
धणी तूं पसे थो पांणई, अने कुछाइए थो पांण । जा करे गाल रे इस्क, सा दानाई सभ अजांण ॥३०॥
दम में चुआं आंऊं हेकली, दम में गडजिम बेई । दम में मेडो रूहन जो, न्हारियां थी त्रेई ॥३१॥
दम में आंऊं बाझाइंदी, दम में हित नाहियां । दम में भाइयां मूर थी, तोके थीराइयां ॥३२॥
फिरी पसां जा पाण अडां, त करियां कांध से दानाई । तडे अची लिकां थी तो तरे, चुआंए डिंनी धणीजी आई ॥३३॥
धणी मूंजी गालिनजी, से सभ तो के आए जांण । अव्वल विच आखिर लग, तो डिंनो अचे पांण ॥३४॥
हे तो डिंन्यू पांणई, गाल्यूं मूंके करण । पण जासीं डिए न इस्क, दर खुले न रे वरण ॥३५॥
ई हाल डिंने धणी मूंहके, जीं गभुराणी मत । जां तो इस्क न आइयो, तां कुछां थी सो भत ॥३६॥
मांठ करे पण न सगां, बंधां जा बोले । सभ जाणे थो रूहजी, चुआं कुजाडो दिल खोले ॥३७॥
बेओ को न पसां कितई, सभ अंग तांणीन तो अडूं । जे हाल पुजाइए पुंनिस, हांणे को न करिए हेकली मूं ॥३८॥
जे तूं करिए हेकली, भाइए गडजां आंऊं । से तां तोहिजी सिखाइल, त पाइयां थी धांऊं ॥३९॥
हे जे कराईयूं गालियूं, एही कौल फैल जे हाल । हिन मजलके ओडडी, मूंके केइए नूरजमाल ॥४०॥
पिरी डिए थो जे दिलमें, सा माधाई करियां पुकार । से सभ तूंही कराइए, तो हथ कारगुजार ॥४१॥
लाड कोड आसां उमेदूं, रूहें सभ दिलमें आईन । पण तूं जे ताणिए पांण अडूं, त तोके ए भाईन ॥४२॥
हे गाल न मूंजे हथमें, जे कीं करिए से तूं । तांजे तूं न खेंचिए, त हे रंज सभे मूं ॥४३॥
बेओ कित न जरे जेतरो, सभ हथ तोहिजे हुकम । जे तिर जेतरी मूं दिल में, सभ जाणे थो पिरम ॥४४॥
कडे कंदासो डींहडो, अस्सां रूहें जो संग । हे हुज्जतूं करियां लाड में, जीं साफ थिए मूं अंग ॥४५॥
दिल में तूं उपाइए, मंगाइए पण तूं । मूंजी रूह के गालियूं, जे मिठयूं सुणाइए मूं ॥४६॥
तूं चाइए कर सुणाइए, सभ उमेदूं तो हथ । धणी मूंहजे धामजा, तूं सभनी गालें समरथ ॥४७॥
मूं चयो भूं आसमान विच, आंऊं हेकली आइयां । जीं न अचे दिलमें खतरो, से माधाई थी लाहियां ॥४८॥
बियूं रूहें हिन अर्सज्यूं, से तां आजिज पाणे । हे मंझ रूअन रातो-डीहां, मूंजी रूहडी थी जांणे ॥४९॥
जे आंऊं न्हारियां रूहन अडूं, पसी इंनी जो हाल । रूअन अचे मूंह के, से तूं जांणे नूरजमाल ॥५०॥
आंऊं बी बट भाइयां तिनके, जा उपटे अर्स दर । कांध लाड पारनज्यूं, मूंके डे खबर ॥५१॥
त कीं चुआं बी तिनके, जे मूं अडां पसी रोए । त चुआं थी हेकली, मूं बट बी न कोए ॥५२॥
पसां बंझाईंदयूं हिनके, मूं अचे बाझाण । ई दर ओडी कांध अडूं, थेयम बधंदी तांण ॥५३॥
हे सभ मेहेर धणीयजी, डिए थो रूह अंदर । हे पण आइम भरोसो कांधजो, जीं जाणे तीं कर ॥५४॥
जे मूं करिए हेकली, विच आसमाने भूं । जे आंऊं पसां पांणके हेकली, से सभ करिए थो तूं ॥५५॥
जे तूं जगाइए इलम से, त पसां थी हेकली पांण । जे की करिए संग लाडजो, त थीयम तो अडूं ताण ॥५६॥
करे हेकली गडजे, सभ तोहिजे हथ धणी । मूं चेयूं उमेदूं वडियूं, जे तूं न्हारिए नैण खणी ॥५७॥
बेई कित न जरे जेतरी, कांए न रखिए गाल । हे तेहेकीक मूंजी रूहके, केइए नूरजमाल ॥५८॥
चुआं थी रूह मूंहजी, से पण आइम भूल । मूंजी आंऊं त चुआं, जे हुआं विच अर्स असल ॥५९॥
हित न्हाए विच बेही करे, आंऊं कीं चुआं मूके पांण । केई थेई सभ तोहिजी, से सभ तोके आए जांण ॥६०॥
हे पण गाल्यूं लाडज्यूं, करिए थो सभ तूं । तो रे तोहिजी गालिनजी, दम न निकरे मूं ॥६१॥
आसां उमेदूं जे हुज्जतूं, सभ तूंहीं उपाइए । मूंजे मोंहें तेतरी निकरे, जेतरी तूं चाइए ॥६२॥
चई चई चुआं केतरो, सभ दिलजी तूं जाणे । तो रे आइयां हेकली, सभ जाणे थो पांणे ॥६३॥
महामत चोए मेहेबूबजी, हे डिंनी तो लगाए । तूं जागे अस्सीं निद्रमें, जाणे तींय जगाए ॥६४॥
॥ प्रकरण ॥५॥ चौपाई ॥१९३॥