सिन्धी - प्रकरण ६ | Sindhi prakaran 6
रूहन जो फैल हाल
धणी मूंहजी रूहजा, गाल करियां कोड करे । आंईन उमेदूं लाडज्यूं, अची करियां गरे ॥१॥
रूहें बिहारे रांदमें, पाण बेठा परडेह । सुध न्हाए के रूह के, रांद न अचे छेह ॥२॥
अस्सां मथें आइयो, पिरियन जो फुरमान । मूक्यो आं रसूल के, डियन रूहन जाण ॥३॥
लिख्यो आं फुरमान में, रमूजें इसारत । भत्ती भत्ती ज्यूं गालियूं, सभ अर्सजी हकीकत ॥४॥
तो चेयो रसूल के, तूं थीयज हुनमें अमीन । डिज तूं मूर निसानियूं, जीं अचे रूहें आकीन ॥५॥
रूहें लग्यूं जडे रांदमें, विसर वेओ घर । आसमान जिमी जे विच में, अर्स बका न के खबर ॥६॥
तडे मूकियां रूह पांहिजी, जा असांजी सिरदार । कुंजी मूकियां अर्स जी, उपटन बका द्वार ॥७॥
रूहें पसी मूं द्रियूं, रई न सगे रे रांद । कां न विचारे पांण के, मूं सिर केहो कांध ॥८॥
वडी-रूह रूहन के, चई समझाईन । पाण न्हायूं हिन रांदज्यूं, घर बकामें आईन ॥९॥
कई केयांऊं रांदज्यूं गालियूं, समझन के सौ भत । कांधे मूकी मूंके कोठण, जांणी आंजी निसबत ॥१०॥
वडी रूह चोए आं कारण, मूं हेडो केयो पंध । लखे भतें समझाइयूं, पण हियो न अचे हंद ॥११॥
आंऊं आइस आंके कोठण, उपटे बका दर । आसमान जिमी जे विच में, जा के के न्हाए खबर ॥१२॥
वडी वडाई आंजी, पसो केहेडो पांहिजो घर । हे कूडा कूडी रांदमें, छडे कायम वर ॥१३॥
कई करे रांदज्यूं गालियूं, फिरी फिरी फना डुख । पांहिजा कायम अर्सजा, कई कोडी डेखारयाई सुख ॥१४॥
तोहे रूहें न छडीन रांदके, कां निद्रडी लगाई हिन । कडे थी न हेडी फकडी, मथां हिन रूहन ॥१५॥
आंऊं पुकारियां इंनी कारण, पण इंनी केहो डो । आंऊं पण बंधिस रांदमें, करियां कुजाडो ॥१६॥
हिक लधिम गाल पिरनजी, चुआं सभे जेडिन । जा लगाइल हिन हक जी, सा न छुटे पर किन ॥१७॥
मूं उमेदूं पिरनज्यूं, लधिम भली पर । सुयम मोहां सजणे, जो खिलवत थी घर ॥१८॥
परूडिम पिरन जी, हे जा डेखारयाई रांद । अस्सां मथें खिल्लण, केइए कुडन के कांध ॥१९॥
इस्क धणी जे दिल जो, पेरी न लधों पांण । त डेखारयाई रांदमें, इस्कजी पेहेचान ॥२०॥
मूं तेहेकीक आयो दिलमें, अगरो धणी इस्क । डिठम अर्स खिलवतमें, सा रही न जरो सक ॥२१॥
मूं उमेदूं दिलमें, धणी से घारण । को न होन उमेदूं धणी के, मूंजा लाड पारण ॥२२॥
तरसे दिल मूंहजो, जाणे कडे धणी पस्सां । त कीं न हून कांध के, मिडन उमेदूं अस्सां ॥२३॥
दिल थिए मिडन धणीयसे, जे मूं इस्क न हंड । कांध पूरे इस्कसे, तिन आए सौ गणी चड ॥२४॥
पण हे गाल्यूं आईन रांदज्यूं, ते मूंके सिकाइए । पांण इस्क डेखारे लाडमें, मूंके कुडाइए ॥२५॥
मूं उमेदूं दिल में, धणी ज्यूं गडजण । लाड पारण असांहिजा, आईन अगरयूं सजंण ॥२६॥
अंई सुणेजा जेडियूं, चुआं इस्क जी गाल । हे सुध न अस्सां अर्स में, धणी केहडी साहेबी कमाल ॥२७॥
न सुध केहडो कादर, न सुध केहडी कुदरत । न सुध अर्स कायम जी, न सुध हक निसबत ॥२८॥
सुध न सुख कांधजा, सुध न धणी इस्क । सुध न अस्सां लाडजी, केहडा पारे हक ॥२९॥
सुध न आसा उमेद, सुध न प्रेम प्रीत । सुध न अर्स अरवाहों के, धणी रखियूं केही रीत ॥३०॥
हे जे हितरूं गालियूं, केयूं इस्क जे कारण । लाड कोड आसा उमेदूं, रूहन ज्यूं पारण ॥३१॥
जेहेडो धणी पांहिजो, तेहेडी तेहजी रांद । लाड कोड इस्क जा, तेहेडाई पारे कांध ॥३२॥
बड़ी गाल धणीयजी, लगी मथे आसमान । आंऊं रे पाणी भूं सूकीयमें, खाधिंम डुब्यूं पांण ॥३३॥
जा सहूर करियां रूह से, त निपट गरई गाल । चुआं हित हिन मूंह से, मूंजो खसम नूरजमाल ॥३४॥
अंई गाल सुणेजा जेडियूं, मूं चरई ज्यूं चंगी भत । गाल कंदे फटी न मरां, जे कांध से निसबत ॥३५॥
लाड कोड आसा उमेदूं, आंऊं चुआं मूं माफक । पारण वारो मूं धणी, कायम अर्स जो हक ॥३६॥
जे आंई गाल विचारियो, रूहें मेडो करे । त रही न सगों किएं रांदमें, हे कूडा वजूद धरे ॥३७॥
सहूर डियण मूं हियो, कठण केयांऊं निपट । न तां विचार कंदे हिक हरफजो, फटी पोए न उफट ॥३८॥
सभ अंग डिंनाऊं कठण, त रह्यो वंजे आकार । न तां सुणी विचारी हे गालियूं, कीं रहे कांधा धार ॥३९॥
इलम डिंनाऊं पांहिजो, मय निपट वडो विचार । बका न चौडे तबकें, से डिंनो उपटे द्वार ॥४०॥
विहारे ते विचमें, जो बका वतन । करे निसबत हिन कांध से, असल कायम रूह तन ॥४१॥
हे इलम एहेडो आइयो, सभ दिल जी पूरण करे । डेई इस्क मेडे कांध से, घर पुजाए नूर परे ॥४२॥
रूहें पांण न विचारियूं, हिन इलम संदो हक । से कीं न करे पूरी उमेद, जे में न्हाए सक ॥४३॥
धणी पांहिजो पांण के, विचारण न डे । के के डींह हिन रांद में, करे थो रखण के ॥४४॥
मूंके अकल न इस्क, से पट खोल्याई पांण । उघाड्यूं अंख्यूं रूहज्यूं, थेयम सभे सुजाण ॥४५॥
न तां केर आंऊं केर इलम, आंऊं हुइस के हाल । पुजाइए हिन मजलके, मूं धणी नूरजमाल ॥४६॥
आंऊं हुइस कबीले के घर, ही गंदो वजूद धरे । थेयम धणी नूरजमाल घर, जे दर नूर अचे मुजरे ॥४७॥
बाहेर मंझ अंतर, सभनी हंदे इस्क । रूहअल्ला डिखारई, वडी दोस्ती हक ॥४८॥
मूं फिराक हिन धणी जो, मूंआं अगरो हिन धणी के । आंऊं बेठिस धणी नजर में, सिधी न गडजां ते ॥४९॥
मूं फिराक धणी न सहे, मूंके बिहारयाई तरे कदम । धणी पांहिजी रूहन रे, रही न सके हिक दम ॥५०॥
मूं धणी रे घारई, मूंजी सभ उमर । इस्क धणी या मूंह जो, पस जा पटंतर ॥५१॥
महामत चोए मेहेबूब जी, अस्सां इस्क बेवरो ई । मूंजे आंजे दिल जी, आंऊं कंदिस अर्ज बेई ॥५२॥
॥ प्रकरण ॥६॥ चौपाई ॥२४५॥