सिन्धी - प्रकरण ७ | Sindhi prakaran 7
झगडे जो प्रकरण
वलहा जे आंऊं तोके वलही, गिंनी बिठे तरे कदम । हे मूं दिल डिंनी साहेदी, तूं मूं रे रहे न दम ॥१॥
डिंनी बी साहेदी इलम, त्री तोहिजे इस्क । चौथी साहेदी रसूल, बियूं कई साहेदियूं हक ॥२॥
तोहिजे इलमें मूंके ई चयो, ही रांद केई आं कारण । लाड कोड आसां उमेदूं, से सभेई पारण ॥३॥
बेई न जरे जेतरी, तोहिजे दिलमें गाल । लाड उमेदूं रूह दिलज्यूं, से तूं पूरे नूरजमाल ॥४॥
हे चियम तिर जेतरी, आईन अलेखे अपार । अस्सां सिकण रहे के गालजी, सभ तूंही करणहार ॥५॥
कांध डे तूं हे पडूत्तर, हिन रांदमें बेही । न तां वडा लाड मूंहजा, कीं पारीने सेई ॥६॥
हुइयूं आसा उमेदूं वडियूं, से थक्यूं विच हित । मूं अडां पसो न सुणो गालडी, हांणे आंऊं चुआं के भत ॥७॥
तूं कीं पारीने वडियूं, जे हितरी न थिए तोह । फिरी फिरी मंगाए न डिए, हे के सिर डियां डोह ॥८॥
हिक मंगां दीदार तोहिजो, बी मिठडी गाल सुणाए । कांध मूंहजा दिल डेई, मूसे हित गालाए ॥९॥
हांणे वड्यूं उमेदूं अगियां, कीं पूरयूं कंने कांध । हांणे पेरे लगी मंगां एतरो, पाए गिची में पांध ॥१०॥
हे गाल आए थोरडी, कीं हेडी वडी केइए । आंऊं कडीं न रहां दम तोरे, से विसरी कीं वेइए ॥११॥
मूंके कुछाइए निद्रमें, तूं पाण जागे थो । जे बांझाइए मूं वलहा, त तो इस्क अचे डो ॥१२॥
तूं भाइयूं बेठ्यूं मूं कंने, माधा मूं नजर । जे दिल हिनीजा न्हारिए, त हे विलखे थ्यूं रे वर ॥१३॥
हिक लेखे मूं न्हारियो, मूं न्हाए गुन्हे जो पार । त रूसी रहे मूंसे वलहो, मूंके करे गुन्हेगार ॥१४॥
अंई विचारे न्हारजा, आंहिजे मूंहजा वैण । तांजे असी विसरयां, त पण आंहिजा सैण ॥१५॥
मूंके इलम डेई पांहिजो, केइए खबरदार । से न्हारिम जडे सहूरसे, त कांध आंऊं न गुन्हेगार ॥१६॥
धणी तो डिंनी निद्रडी, ते विसरया सभ कीं । जीं नचाए तीं नचियूं, कुरो करियूं अस्सीं ॥१७॥
अस्सां इस्क निद्रडी विसारियो, अची मय हिन रांद । इसक तोहिजो डिखारियो, पस मूंहजा कांध ॥१८॥
तनडा असांजा तो कंने, पण दिलडा असांजा कित । से कीं फिकर न करयो, के हाल मूंहजो चित ॥१९॥
डुखडा न डिसे आकार, दिलडा डुख पसंन । से डुख डिसे दिल रांदमें, डुख न बकामें तन ॥२०॥
दिल असांजा सोंणेमें, से था डुख पसंन । से पसो था नजरों, जे गुजरे दिल रूहन ॥२१॥
डिंनी असांके निद्रडी, इस्क न रई सांजाए । आं जागंदे प्यारयूं पांहिज्यूं, तो डिन्यूं कीं भुलाए ॥२२॥
डोह न अचे सुतडे, जागंदे मथें डोह । असीं डुख डिसूं आं डिसंदे, कीं चोंजे आसिक सो ॥२३॥
से कीं विचार न करयो, वडो आंजो इस्क । मासूक केयां रूहन के, को न भजो असांजी सक ॥२४॥
आसिक न्हारे नजरे, मासूक बेठो रोए । हेडी कडे उलटी, आसिक से न होए ॥२५॥
मूंजा लाड कोड पारणजा, आं सिर सभ मुद्दार । डिए डोह असांके, जे अस्सां सुध न सार ॥२६॥
मूंके इलमें चयो भली पेरे, कोए न्हाए डोह रूहन । केयो थ्यो सभ कांध जो, असीं सभ मंझ इजन ॥२७॥
इस्क बंदगी या गुणा, से सभ हथ हुकम । रांद कारिए निद्रमें, हित केहो डोह अस्सां खसम ॥२८॥
बेसक डिंने इलम, जगाया दिल के । इलम न पुज्जे रूहसी, सभ हथ हुकम जे ॥२९॥
रूहसी पुजी न सगे, आयो न्हाएमें इलम । जा सहूर करियां इलम, त हित जरो न रे हुकम ॥३०॥
जे कीं केयो से हुकमें, से हुकम आं हथ थेयो । हिक जरो रे तो हुकमें, आए न कोए बेयो ॥३१॥
तो केयो से थेयो, तो केयो थिए थो । थींदो से पण तो केयो, तो रे कित्त न को ॥३२॥
तेहेकीक मूं ई बुझियो, मूंके बुझाई तो इलम । थेयो थिएथो जे थींदो, से हल-चल सभ हुकम ॥३३॥
एहडो वडो मूं धणी, को न न्हारिए संभारे । वैण सुणाइए वलहा, मूं सामों न्हारे ॥३४॥
धणी को न करयो मूं दिलजी, आंऊं अटकां थी हिन गाल । तुं पुजे सभनी गालिएं, आंऊं कीं तरसां हिन हाल ॥३५॥
जे आंऊं मंगां सहूर में, तांजे मंगां बे अकल । लाड सभे तो पारण, जे अचे मूंजे दिल ॥३६॥
दिल चाहे मूं हिकडी, को न पारिए लख गुणी । तूं कीं लिके मूंह थी, तो जेडो मूं धणी ॥३७॥
आंऊं धणियांणी तोहिजी, मूं घर अर्स अजीम । मूं कोडयूं उमेदूं वडियूं, तूं तेयां कोड गण्यूं को न डियम ॥३८॥
तो भायो हे उमेदूं मगंदयूं, नयूं नयूं दिल धरे । हिन जिमी न द्रापंदयूं, आंऊं डींदुस कींय करे ॥३९॥
हेडो जाणी दिल में, पेरोई ढंके द्वार । न कीं सुणाइए गालडी, न कीं डिए दीदार ॥४०॥
ते दर ढंके मूरजो, असां अंखे कंने डिंने पट । तो भायों घुरंदयूं घणी परे, बेठो जाणी बट ॥४१॥
रूहें हिन जिमीय में, द्रापे न के भत । ई जाणी लिके मूंह थी, हियडो केयां सखत ॥४२॥
हे पट डिसी मूं न्हारिम, उमेद न आसा कांए । जगाइए ते वखत, मथां डिंने डींह पुजाए ॥४३॥
मूं घर अर्स अजीम, नूरजमाल मूं कांध । लाड पारण मूंहजा, मूं कारण केई रांद ॥४४॥
तो इलम चयो लाड पारींदो, ते में सक न कांए । जे जे भतें मूं न्हारियो, इलमें सभे डिंनी पुजाए ॥४५॥
पण हित अची इलम अटक्यो, जे कडी न अटके कित । मूं न्हारे न्हारे न्हारियो, त अची अटक्यो हित ॥४६॥
हित डोह न कोए इलमजो, न कीं डोह विचार । हे घुंडी तोहिजे हुकम जी, सा छुटे न कांधा धार ॥४७॥
गाल गुझांदर ई थेई, तूं पांणई जांणे । हे गूझ्यूं गाल्यूं तो रे, के के चुआं हांणे ॥४८॥
तूं धणी मूं इस्कजो, तूं धणी सहूर इलम । तूं धणी वतन रूहजो, हे गुझ के के चुआं खसम ॥४९॥
सिकाए-सिकाए मूंहके, को द्रजंदो-द्रजंदो डिए । लाड मगंदयूं रांदमें, तो अटके ई हिए ॥५०॥
हिक वडो मूंके अचरज, मूंजा लाड पारीने कीं । मूंके जगाए मंगाइए डियणके, मथां पुजाइए डींह ॥५१॥
रांद डिखारिए उमेद के, जगाइए लाड पारण । विलखाइए सुणन वैण के, रूआं दीदार कारण ॥५२॥
कांध उमेदूं वडियूं, मूं दिल में थो पाइए । धणी पांहिजे डोह के, मूं मोंहां थो चाइए ॥५३॥
आंऊं पण द्रजंही, न डियां आंके डोह । बंग पांहिजो पांणई, मूं मोंहां चाइए थो ॥५४॥
तोबा-तोबा करियां, जिन भुलां चुकां हांण । हल्लां धणी जे हुकमें, जीं सुख भाइए पांण ॥५५॥
पेरो हुई गाल कौलजी, थेई थींदी सभ चोयम । द्रजां चोंदे अगरी, जीं न अचे दिल पिरम ॥५६॥
कौल फैलजी वही वेई, हांणे आई मथे हाल । हांणे कुछण मुकाबिल, हित हल्ले न अगरी गाल ॥५७॥
घणों द्रप भुल चुक जो, ही हकजी खिलवत । सचो रचे सच से, भुल न हल्ले हित ॥५८॥
इलम पांहिजो डेई करे, मूंके रोसन तो केई । ते झोडो करियां कांध से, विच रांद में बेही ॥५९॥
तोहिजे इलमें आंऊं सिखई, गिडम वकीली सभन । मूंजो एतबार सभनी, आयो तोहिजी रूहन ॥६०॥
दावो मूंजो या रूहन जो, सभनी बटांं आंऊं । आंऊं गुझ जांणां सभ तोहिजी, कीं पेर डिए पांऊं ॥६१॥
खिलवत जांणां अर्स जी, कौल फैल हाल असल । तोजी गुझ न रही कां मूंह थी, दावो तो मूं विच अदल ॥६२॥
तूं सचो तो गाल्यूं सच्यूं, अने सचो तो हलण । मूं तो दावो सरे सचजो, झल्यम सचो दावन ॥६३॥
तूं सचा सच गालाइज, सच बोलाइज मूं । सच दावो सच साहेद, सच जांणे सभनी सचा तूं ॥६४॥
हिन न्हाए के केइए सच, जे हित आया सचा पांण । मूंसे सच को न करिए, मूंजा सचडा सेण सुजांण ॥६५॥
जोर असां से को करिए, जडे आई गाल सरे । सोई सचो अमीन, जो सची गाल करे ॥६६॥
पांण चाइए नालो हक, बेओ तो नाम रेहेमान । आंऊं मंगां हक पडूत्तर, मूंके डे मेहेरबान ॥६७॥
सचा सचो मूंके रसूल, मथे सच अदल । मूं सचो दावो दोस से, सचडा थी मुकाबिल ॥६८॥
तेहेकीक न्या असांहिजो, डोह आयो मथे कांध । पण तोरो थ्यो तो हथ में, ते मूंजो हल्ले न मय रांद ॥६९॥
सरो सच साहेबजो, हित सचो हल्लणो हक । हे कूडा काजी रांद में, भाइए करियां हिन माफक ॥७०॥
एहेडी हिन अदालत, आंऊं करण कीं डियां । हे दावो तो मूं विच जो, सचडो मूंजो मियां ॥७१॥
हाणे दाई मुदई बे जणां, जां मुकाबिल न हून । तूं बेठो मथे तोरो गिंनी, हे बेठ्यूं हिकल्यूं रून ॥७२॥
सिकां सडां दीदार के, बी सुणन के गाल । मूं वजूद नासूत में, तूं धणी बका नूरजमाल ॥७३॥
भगो पण तूं न छुटे, मंगां हक नियाय । सरो घुरे सच सभनी, या गरीब या पातसाह ॥७४॥
सरे सच न्हार जे, हे जो सरो सुभान । भोंणें भजंदो मूंहथी, पांण चाइए रेहेमान ॥७५॥
मूं इलम खटाई तोहिजे, से भाइयां तोहिजा आसान । तोके बंधो मूं रांद में, कीं छुटे भगो सुभान ॥७६॥
आंऊं झल्ले ऊभी नियाके, हल्लण न ड्यां अहक । मूं कंने जोर सरे इलम जो, मूं तोके खट्यो बेसक ॥७७॥
जे निया सामो न्हारिए, त पट न रखे दम । ते हक केई न्हारजे, हल्लाए हक हुकम ॥७८॥
सरो तोरो होए अदल, निया थिए तित । हे गाल्यूं गुझांदर अर्स ज्यूं, कियां कढां गुहाई हित ॥७९॥
हित साहेद तूंहीं तोहिजो, खिलवत में न बेओ । जे बंग होए मूंह जो, से मूंजे सिर डेओ ॥८०॥
झोडो करियां कांध से, जे तो झोडाई । तूं दाई तूं मुदई, हित तूंही गुहाई ॥८१॥
भोंणे लिकंदो मूंह थीं, आए नियां गाल घणी । लाड कोड मंगां तो कने, अच मुकाबिल मूं धणी ॥८२॥
तांजे मुकाबिल न थिए, मूं थी छुटे न कीं । पांण वतन बिंनीजो हिकडो, तूं मूंहजो पिरी ॥८३॥
तूं सचो धणी मूं सिर, तोके पुजां मय रांद । लाड पाराइयां पांहिजा, तूं मूं सिर सचो कांध ॥८४॥
आंऊं धणियांणी तोहिजी, डे तूं मूं जी रे अंग । मूं मुए पुठी जे डिए, हे केडी निसबत संग ॥८५॥
लाड़ कोड़ सभे त परे, जे मूं से गडजे हित । वडो सुख थिए साथ के, मंगां जांणी निसबत ॥८६॥
सची सांजाए तूं करिए, समरथ तूं सुजाण । संग जाणी करियां लाडडा, डिंने छुटे मेहेरबान ॥८७॥
तूं मेहेबूब लाडो कांध मूं, चौडे तबके सुई निसबत । हाणे लिके थो के गालके, लाड जाहेर मगे महामत ॥८८॥
मूं दुलहिन के जाहेर तो केई, मूं दुलहा जाहेर तूं थेओ । पांहिज्यूं रूहें जाहेर तो केयूं, तो रे आए न को बेओ ॥८९॥
तूं लज करिए केह जी, या अर्स तांजे हित । तो निसबत असां से, बेओ कोए न पसां कित ॥९०॥
आंई चोदां तूं कीं घुरे, हिन न्हाए में लाड । आंऊं त घुरां तो लगाई, हिनमें हुकमें डे स्वाड ॥९१॥
असीं आयासी रांद में, त लाड मंगूं मय हिंन । असीं कीं कीं डिसूं हिनके, आंई ईनी पसेजा जिन ॥९२॥
आंई लज कंदा इनजी, त आं पण लगी ए । आंके पण ए न छुटी, गिंनी वेई असां के जे ॥९३॥
हांणे हितरयूं गाल्यूं को करयो, को झोडो बधारयो । हे झोडो सभे त चुके, जे असांजा लाड पारयो ॥९४॥
तूं कितेई भगो न छुटे, अर्स में मूं मांध । लाड पाराइयां पांहिजा, पुजी पल्लो पांध ॥९५॥
अंई कितेई छुटी न सगे, आंऊं किएं न छडियां आं । महामत चोए मूं दुलहा, पार सघरा लाड असां ॥९६॥
॥ प्रकरण ॥७॥ चौपाई ॥३४१॥