प्रकास गुजराती - प्रकरण १४
जाटी भाषा में - प्रबोध
मूंजा अंध अभागी जीव जोर रे, तूं कीं सुतो हित । पर पर धणिए जगाइया, तोके घर न सूझे कित ॥१॥
अगेनी तू कुरो केओ, जडे पिरी हल्या साणे । से अजां न उथिए अकरमी, भूंडा सुते हित केही सांगायसे ॥२॥
पर पोतेजी न्हार तूं निखर, वलहो न डिसे अजां छेह । अवगुण न डिसे पांहिंजा, पिरी मेहेर करी वरी एह ॥३॥
वभिरकां पिरी तो कारण, आया माया मंझ । को न सुजाणे सिपरी, न तां थींदिए डूरण डंझ ॥४॥
पांण पांहिंजो पस तूं, अंख उघाडे न्हार । खीर पाणी जी परख पधरी, हिन तारतम महें विचार ॥५॥
अगेनी अंखियूं फूटियूं, भूंडा हाणें तूं कींक सांगाए । ही जोगवाई हथ न रेहेंदी, पोय पर न थिंदिए कांए ॥६॥
अगेतां अकरमी थेओ भूंडा, हांणे तूं पाण संभार । पिरी पले पले तोके थका, भूंडा अजां न वरे तोके सार ॥७॥
वभिरकां पिरी तो कारण, हांणे आया माया मंझ । धाऊं पाइंदे पिरी वभिरकां, तोके थीअण आई संझ ॥८॥
अंग मरोडे न उथिए, पासे फजर पसी हींए मंझ । पोए कारी रात में कीं न सुझे, से तां डुखे संदानी डंझ ॥९॥
तारतम तूतां न्हार विचारे, जा पिरी आंदो तो कारण । हेतरा भट बरंदे मथे, तोके अजां सा न वंजे घारण ॥१०॥
॥ प्रकरण ॥१४॥ चौपाई ॥३४१॥