प्रकास गुजराती - प्रकरण २५
कत्तण जो द्रष्टांत
खुई सा निद्रडी रे, जे अजां न छडे जीव । तोहे नी सांगाए न वरे, जे पसां मथे हेडी भाइयां ॥१॥
आंके निद्र उडाणके अदियूं मूजियूं, आंके डियां हिकमी साख । अंईं अगईं पर पसी करे, हांणे मान सांगायो रे साथ ॥२॥
आतण मंझे जे आवयो, जेडियूं हेरे मिडी । किंनीनी कींझो कत्तयो, किन न भगी रे भींडी ॥३॥
कपाइतियूं आवयूं, कतण कोड करे । केहे केहे संनो कत्तयो, घणो नेह धरे ॥४॥
के बेठियूं मय विच थेई, पण नाडी तंद न चढे । कत्तणके जे विसरयूं, से उथियूं ओराता धरे ॥५॥
किंनी कतया सोहागजा, सूतर भरया सेर । के बेठियूं मय विच थेई, पेर मथे चाडे पेर ॥६॥
के तंदू चाडीन तकडूं, लधाऊं ही वेर । के नारींदयूं भूं अडूं, के मथे चढ्यूं सिर मेर ॥७॥
हिक तंदू नारींदे वियनज्यूं, जमारो सभे वेई । हिक फेरा डींदे फुटरयूं, पण हथ न छुताऊं पई ॥८॥
के अची आतण मंझा, सुतियूं सुख करे । उथियूं से उचाटमें, जडे सूतर संभारे ॥९॥
जिनीनी कींझो कतयो, तनके ता डेई । सा जोर करे महें जेडिए, मरके मंझ बेही ॥१०॥
जिंनी जाचो कतयो, फारी फुकारे । सा माले मंझ सरतिए, सुहाग लधाई घरे ॥११॥
जडे सूतर सभनी न्हारयो, वीयन हथ पाए । जिंनी मूर न कतयो, पोएसे मोंहों लिकाए ॥१२॥
सूतरवारियूं सुहागण्यूं, न्हारीन कर खणी । हिक डिंनी स्याबासी जेडिए, व्यो मान लधाऊं धणी ॥१३॥
हिक फेरीन अरट उतावरो, तनके ता डेई । राती कन उजागरा, सुत्र कतींदियूं पण सेई ॥१४॥
जे कन गाल्यूं विचमें, तंद न उकले तिन । पई रही तिन हथमें, पोए बेठ्यूं फेरीन मन ॥१५॥
सभा विच सरतिए, गाल्यूं कंदियूं बेही । पण जिंनी कीं न कतयो, तिंनी पर केही ॥१६॥
न कीं कत्यो रात में, न कीं कत्यो डींह । से सांणे मंझ सरतिए, मोंह खणदिंयूं कींह ॥१७॥
अदी रे संनों थूलो अघयो, जे कीं कत्याऊं । पण किंनी विचथी विसरयो, पई हथ न छुताऊं ॥१८॥
तिंनी सांणे विच सरतिए, पोए मिहीणां लधाऊं । न तां चेताणवारिए बंग लाथा, परी परी करे धाऊं ॥१९॥
आंके धांऊं सुणंदे धणीज्यूं, जमारो सभे वेई । अंईं अगियां थींदियूं अणसरयूं, अंई कतो को न बेही ॥२०॥
जिंनी अज न कतयो, सा रींदियूं सेई । जडे गाल्यूं कंदयूं पाणमें, जेडियूं सभे बेही ॥२१॥
हिक गिनंदयूं सुहाग सुलतानजा, सुहागणियूं सेई । से कर खणी गालियूं, कंदयूं विच बेही ॥२२॥
जिंनी कीं न जाणयो, तेहे हथ न छुती पई । कोड करे घणवे आवई, पण उनी हाम रही ॥२३॥
॥ प्रकरण ॥२५॥ चौपाई ॥६२७॥