प्रकास गुजराती - प्रकरण ६
भाखा सिंधी जाटी
मूंजी सैयल रे, सजण हुअडा मूं गरें । मूं न सुजातां सिपरी, हल्या कारयूं घणूं करे ॥१॥
सजण आया मूं गरे, मूं न सुजातां सेंण । गाल्यूं केयाऊं हेतमें, घणी भती भती जा वेण ॥२॥
मूंके जा घारण आवई, जे अंई पसो साथ । त खरे बपोरे सेज सोझरे, मूंके थेई रात ॥३॥
सजण आया मूं न सुजातम, मूंके चेयाऊं घणा वेण । कंन अखियुं फूटियुं, व्या फूटया हिए जा नेंण ॥४॥
सजण विया निकरी, हांणे आंऊं करियां कीं । अवसर व्यो मूंजे हथ मंझां, हांणें रूअण रातो डीं ॥५॥
पिरी हल्या प्रभात में, आऊं उथिस अवेरी । कीं वंजाइयां वलहो, जे हुंद जागां सवेरी ॥६॥
जीव मूहीजो जे तडे जागे, त अवसर वंजाइयां कीं । हुंद साथ न छडियां सजणे, आडी लेहेर माया थेई नी ॥७॥
हांणे डिसूनी डोहे निहारियां, तां जर भरया अतांग । महें लेहेरयूं मेर जेडियुं, व्या मछे पेरां न्हाय मांग ॥८॥
महें घूमरियूं जर जुजवा, व्या परी परी जा पूर । हिक वेर न वेहेजे सुख करे, हेतां डिसे डुखे संदा मूर ॥९॥
हिक घोर अंधारो व्यो अंखे न सुझे, त्रेओ हियडो न्हायम हंद । पिरी आया मूंके पार उतारण, एहेडी धारा मंझ ॥१०॥
मूं कारण सैयल मूंहजी, हिनमें विधाऊं पांण । कूकडियूं करे करे, नेठ उथी वियां निरवांण ॥११॥
हांणे कीं करियां केडा वंजां, केहेडो मूंजो हांणे हंद । पिरी न पसां अंखिऐ, जे मूं कारण आया माया मंझ ॥१२॥
॥ प्रकरण ॥६॥ चौपाई ॥१९७॥