सिन्धी - प्रकरण ९
मारकंडजो दृष्टांत
चई सुंदरबाई असां के, मारकंड जी हकीकत । ईं दर थी आंके खोलियां, आंजी पण ई बीतक ॥१॥
निमूनो मारकंड जो, चयो सुन्दरबाई भली भत । सुकदेव आंदो आं कारण, हे जे पसो था हित ॥२॥
जे कीं गुजरयो मारकंड के, विच जिमी हिन अभ । से गुझ दिलजो निद्रमें, डिठो नारायणजी सभ ॥३॥
डेखारी नारायण जी, माया मारकंड के । जे कीं डिठो रिखि निद्रमें, सभ चई नारायणजी से ॥४॥
असी पण बेठा आं अगियां, निद्रडी डिंनी आं असां । हे जा डिसो था निद्रमें, से कुरो खबर न्हाए आं ॥५॥
धणी बेठा आयो विचमें, सभ नजरमें पाए । असां दिलजी को न करयो, आंजे दिलमें तां आए ॥६॥
असां दिलज्यूं गालियूं, से कुरो आं डिठ्यूं न्हाए । से कीं आंई सहोथा, जे विलखण थिए असांए ॥७॥
आंई बेठा सुणो गालियूं, असां के को विधें दिल ल्हाए । को न करिए मूं दिलजी, आंजे दिलमें केही आए ॥८॥
मारकंड माया मंझां, जडे किएं न निकरी सगे । तडे गिडाई रिखि के पांणमें, मंझ पेही मारकंड जे ॥९॥
असां जा डिठी रांदडी, आंई पसी तेहजो सूल । मूंके असां के फुरमान, हथ पांहिजे नूरी रसूल ॥१०॥
लखे भते लिखियां, कई इसारतें रमूजें । सभ हकीकत मूकियां, भाइए मान किएं समझें ॥११॥
पोए मूकियां रूह पांहिजी, जा असांजी सिरदार । कुंजी आंणे अर्स जी, खोल्याई बका द्वार ॥१२॥
जे निसान्यूं फुरमानमें, से डिंनाई सभ निसान । सुंदरबाई कई भतें, करे डिनाऊं पेहेचान ॥१३॥
ई चुआं आंऊं केतरो, अलेखे आईन । बिंनी कौल मिडी करे, डिंनाऊं दृढ़ आकीन ॥१४॥
दिलडा असां जा जागया, पण पुजे ना रूहसी । से हुकम हथ आंहिजे, हल्ले न असां जो कीं ॥१५॥
मारकंड जे दिलजी, सभ नारायण जी चई । जडे याद डिंनी मारकंड के, तडे हिक दम निद्र न रई ॥१६॥
उडी वेई मारकंड के, निद्रडी कंदे विचार । तोहे सुध असां न थिए, जे डिंनाऊं उपटे द्वार ॥१७॥
तो डिसंदे आंऊ विलखां, सभ सुध डिंनी आं हित । वलहा याद अजां को न अचे, को डिंना हियडो सखत ॥१८॥
धणी मूंहजे धामजा, अंई चओ करियां तीं । असां के हिन रांदमें, मुझाए रख्या कीं ॥१९॥
गाल मिठी वलहा, सुणाए डेखार धाम । दीदार डेयम पांहिजो, मूं अंगडे थिए आराम ॥२०॥
आंऊं चुआं बे केहके, तूं मूंजो धणी आइए । तूं सुणी ई को करिए, ई वार वार को चाइए ॥२१॥
सुंदरबाईएं जे चयो, मूं दिल पण डिंनी गुहाए । सभ गाल्यूं असां जे दिलज्यूं, धणी तो खबर सभ आए ॥२२॥
हे गाल्यूं आंई डिसी करे, कीं मांठ करे रहो । अर्स संग सारे करे, आंई विछोहा कीं सहो ॥२३॥
अर्स असांके विसरयो, अने विसरया तो कदम । पण तो को संग विसारियो, कीं विसारियां खसम ॥२४॥
दिलडो अर्स संग जो, असां मथां कीं लाथां । पुकारींदे न न्हारियो, असां विच हेडी को पातां ॥२५॥
किते वेयूं हो गालियूं, जे अर्स विच केयूं । तांजे असीं विसरया, आंके विसरी कीं वेयूं ॥२६॥
करियां गुस्तांगी वडियूं, पण हियडो चायो तोहिजो चए । जे मूं जगाए सामों न्हारियो, त मूं रूहडी कीं रहे ॥२७॥
चरई थी चुआं थी, जिन डुखे जो मूंहसे । तो डिखारयो हिक तोहके, आंऊं चुआं बे केहके ॥२८॥
चंगी भली आइयां, चरई ते चुआं । भुले चुके वैण निकरे, जिन डुखे जो मुआं ॥२९॥
ई करे विहारयां, हितरी पण न सहां । त कीं घुरंदिस लाडडा, कीं पारीने असां ॥३०॥
बिआ लाड मूं विसरया, पसी तोहिजो हाल । न कीं डिए दीदार, न कीं सुणाइए गाल ॥३१॥
तोके आंऊं न पसां, न की कंने सुणयां । हितरो पण न थेयम, त बिआ केरा लाड मंगां ॥३२॥
मंगा जाणी संगडो, जे तो देखारयो । हांणे विच बेही सभ जगाइए, हांणे कारयूं को कारयो ॥३३॥
मंगा थी पण द्रजंदी, मूं मथां हेडी थेई । हे सगाई निसबत, आंके विसरी कीं वेई ॥३४॥
मूंके निद्रडी विसारियो, पण तूं कीं विसारिए । तो दिल से को उतारियूं, ही वार वार को चाइए ॥३५॥
हेडी घुंडी दिलमें, कीं पाए बेठो पांण । आंऊं कडी न रहां दम तो रे, हेडी को करे मूं से हांण ॥३६॥
मूं मथां हेडी को केइए, केहेडो आइम डो । जे गाल होए आं दिलमें, से मूं मांधां को न कढो ॥३७॥
अगे सुन्दरबाई हल्लई, रोंदी कर-करंदी । हांणे मूंसे ई को करयो, करे हेडी मेहेरबानगी ॥३८॥
मांधां डिखारई रांद रातमें, हांणे जाहेर केयां फजर । हे गालियूं केयूं सभ मेहेरज्यूं, सा लाथाऊं कीं नजर ॥३९॥
हांणे जीं जांणे तीं मूं कर, पण बदल मूंहजो हाल । तीं कर जीं पसां तोहके, जीं सुणियां मिठडी गाल ॥४०॥
केडा वंजा के के चुआं, बिओ को न डिखारे हंद । तूं बेठो मूं भर में, आंऊं केडा वंजा करे पंध ॥४१॥
बट बेठा न सुणो, न कीं न्हारयो नेणन । न पुजी सगां पांध के, न कीं सुणियां कनन ॥४२॥
मूंजा पुजे न हथ अंगडा, त रहां कींय करे । कोठाइए कागर मूंकी करे, कीं बेहां धीरज धरे ॥४३॥
पेरो पांणे जांणी हिन के, हांणे करिए हल्लणजी वेर । पुकारींदे न डेओ, पसण पांहिजा पेर ॥४४॥
गाल निपट आए थोरडी, हेडी भारी को केइए । सभनी गाले समरथ, पण दिल घुंडी केई रखिए ॥४५॥
आंई डुखोजा दिलमें, जडे चुआं घुंडी जो वैण । पण कीं करियां कीं चुआं, मूं अडां न्हारयो न खणी नैण ॥४६॥
जा पर चओ सा करियां, तूं पांण कराइए थो । हे पण तूंही चाइए, मूं मथे कीं अचे डो ॥४७॥
हेडी रांद डिखारई, मय वर कोडी लख हजार । कीं करियां कीं चुआं, मूंजा धणी कायम भरतार ॥४८॥
जे अपार वराका तोहिजा, मूं हिकडी गंठ न छूटे । लखे भते न्हारियां, तो रे जोडी कां न जुडे ॥४९॥
जे वराका लाहिए, त आंऊं बेठिस तरे कदम । को न वराको कितई, ई आइम मूंजा खसम ॥५०॥
चुआं रुआं के न्हारियां, बेठो आइए मूं बट । लाहिए दममें तूंहीं धणी, अंखे कंने जा पट ॥५१॥
सौ वराके हिकडी, गाल ई आइए । मूंजो हल्ले न तिर जेतरो, हे पण चुआं थीं तोहिजे चाइए ॥५२॥
तूं बंधे तूं छुडाइए, तित बी काएं न गाल । जीं फिराइए तीं फिरे, कौल फैल जे हाल ॥५३॥
हांणे मोंह थीं मंगां मूं धणी, मूंजा सुणज सभ स्वाल । महामत चोए मूं लाडडा, धणी पार तूं नूरजमाल ॥५४॥
॥ प्रकरण ॥९॥ चौपाई ॥४३७॥